“Navbahor”ning 1-davrada qayd etgan statistik natijalari bilan tanishtirishda davom etamiz.

Ko‘pchilikka ma’lum, g‘alaba qozonishda maydonda harakat qiladigan futbolchilarning hissasi muhim omil sanaladi.

Xo‘sh, “Navbahor”ning Superliga 1-davrasidagi bahslarida maydonda kim qancha harakat qildi?

Birinchi davra o‘yinlarida “Navbahor” tarkibida 18 nafar futbolchi maydonga tushdi.

Ulardan 3 nafar tajribali o‘yinchilar, ya’ni,  darvozabon O‘tkir Yusupov, shuningdek, serbiyalik futbolchilar - himoyachi Filip Ivanovich va yarim himoyachi Yovan Jokichlar ortda qolgan 13 ta bahsda to‘liq, ya’ni, 1170 daqiqa davomida maydonda harakat qilishdi.

Bundan tashqari, yana 4 nafar futbolchi – Farrux Sayfiyev, Jamshid Iskanderov, Abrorbek Ismoilov hamda Asadbek Sobirjonovlar ham 13 ta o‘yinda maydonga tushishdi, ammo mazkur o‘yinchilar ayrim bahslarda almashtirildilar yoki zaxiradan maydonga tushdilar.

Kezi kelganida, joriy mavsumning 1-davrasida jamoamizning 2 nafar yosh futbolchisi – himoyachi Dostonbek Abdulhayev hamda yarim himoyachi Navro‘zbek Iminjonovlar Superligada o‘z debyutlarini nishonlashganini ham ta’kidlash joiz.

“Navbahor” PFK matbuot xizmati.