"Napoli" Adriyen Rabyoni o‘z safiga qo‘shib olishni rejalashtirmoqda.

"Yuventus"ning 29 yoshli fransiyalik yarim himoyachi bilan shartnomasi 30 iyun kuni yakuniga yetdi.

Turinliklar jamoasining shartnomani uzaytirish taklifiga Rabyo hozircha javob qaytargani yo‘q, unga ko‘ra futbolchining maoshi bonuslar bilan birga 7,5 million yevroni tashkil qiladi.

Balki, Fransiya terma jamoasi yarim himoyachisi "Yuventus" yoki boshqa klublardan ko‘proq foydali takliflar olishiga umid qilayotgandir.

TuttoMercatoWeb nashri xabariga ko‘ra, "Napoli" Adriyen Rabyo transferi bo‘yicha muzokaralarga kirishgan. Biroq, futbolchining o‘zidan hozircha javob yo‘q.