Dortmundning "Borussiya" klubi hujumchisi Karim Adeyemi kelajagi haqidagi savolga javob berdi.
Avvalroq, 22 yoshli futbolchining xizmatlariga "Chelsi" qiziqish bildirayotgani haqida xabarlar tarqalgan edi. Biroq, dortmundliklar o‘z futbolchisini 30 million yevroga sotish bo‘yicha takliflarni ko‘rib chiqishga tayyor ekani xabar qilingandi.
Germaniya chempionatining so‘nggi mavsumida Adeyemi uchta gol urdi va bitta golli uzatmani amalga oshirdi. U 2022 yildan beri "Borussiya"da o‘ynab kelmoqda.
- Kelajak haqida hech narsa deya olmayman. Men "Borussiya" futbolchisiman va bu klub libosini kiyganimdan juda xursandman. Ammo hayotda bundan keyin nima bo‘lishini bilmaysan", - dedi futbolchi.
