Дортмунднинг "Боруссия" клуби ҳужумчиси Карим Адейеми келажаги ҳақидаги саволга жавоб берди.
Аввалроқ, 22 ёшли футболчининг хизматларига "Челси" қизиқиш билдираётгани ҳақида хабарлар тарқалган эди. Бироқ, дортмундликлар ўз футболчисини 30 миллион еврога сотиш бўйича таклифларни кўриб чиқишга тайёр экани хабар қилинганди.
Германия чемпионатининг сўнгги мавсумида Адейеми учта гол урди ва битта голли узатмани амалга оширди. У 2022 йилдан бери "Боруссия"да ўйнаб келмоқда.
- Келажак ҳақида ҳеч нарса дея олмайман. Мен "Боруссия" футболчисиман ва бу клуб либосини кийганимдан жуда хурсандман. Аммо ҳаётда бундан кейин нима бўлишини билмайсан", - деди футболчи.
