"Chelsi"ning argentinalik yarim himoyachisi Enso Fernandes atrofida vaziyat qizimoqda.
London klubining barcha fransuz futbolchilari ijtimoiy tarmoqlarda o‘z jamoadoshini kuzatishni bekor qilishdi. Shuningdek, bir belgiyalik va bir nafar ivuarlik ham argentinalik futbolchini kuzatishni to‘xtatdi.
Bu Enso Argentina terma jamoasidagi jamoadoshlari bilan birga chempionlik paradida Fransiya terma jamoasi futbolchilariga nisbatan haqoratomuz hayqiriqlardan so‘ng sodir bo‘ldi.