Meyson Grinvud "Manchester Yunayted"ni tark etib, "Marsel"ga o‘tishga yaqin turibdi.
Bugun 22 yoshli vinger fransuz klubida tibbiy ko‘rikdan o‘tadi va u bilan shartnoma imzolaydi, deya xabar beradi insayder Fabrisio Romano.
Manbaning xabariga ko‘ra, klublar allaqachon ingliz futbolchisining transferi bo‘yicha hujjatlarni almashgan.
Oldinroq "Manchester Yunayted" Grinvud uchun bonuslar bilan birga 30 million yevro, shuningdek, futbolchining keyingi sotish qiymatining 50 foizini olishi ma’lum bo‘lgandi.
O‘tgan mavsumda Grinvud "Xetafe"da ijara asosida o‘ynadi.
