Parij (Fransiya)dagi Olimpiya o‘yinlarining ayollar o‘rtasidagi juftlik bahslarida barcha ishtirokchilar nomi ma’lum bo‘ldi.
Ro‘yxatlar Xalqaro tennis federasiyasi saytida e’lon qilindi.
Olimpiya turnirida ikki rossiyalik juftlik ishtirok etadi - Yekaterina Aleksandrova va Yelena Vesnina, Mirra Andreeva va Diana Shnayder. Ular neytral sportchilar sifatida chiqishadi.
Tokio-2020 Olimpiadasining juftlik bahslarida chexiyalik tennischilar Barbora Kreychikova va Katerina Siniakova oltin medalni qo‘lga kiritgandi. Ular Parijda ham birga o‘ynashadi.
Boshqa juftliklar quyidagicha ko‘rinish olgan:
Ellen Peres va Darya Savill (Avstraliya);
Marketa Vondroushova va Karolina Muxova (Chexiya);
Leyla Fernandes va Gabriela Dabrovski (Kanada);
Klara Byurel va Varvara Grachyova (Fransiya);
Anjelika Kerber va Laura Zigemund (Germaniya);
Yasmin Paolini va Sara Errani (Italiya);
Marta Kostyuk va Dayana Yastremskaya (Ukraina);
Kori Gauff va Djessika Pegula (SSHA)
27 iyuldan 4 avgustga qadar Rolan Garrosning qumli kortlarida tennis bo‘yicha Olimpiya turniri bo‘lib o‘tadi.
