Fransiya hukumati xavfsizlikka tahdidlar tufayli 3922 kishining Parij Olimpiadasi tadbirlariga borishi taqiqlanganini aytdi.

131 kishi davlat xavfsizligiga jiddiy tahdid soladigan shaxslar ro‘yxatiga kiritilgan.

"Ma’muriy tergov sohasida olib borilayotgan jamoaviy ishni e’tirof etmoqchiman. Ayni paytda biz 870 000 ta tekshiruv o‘tkazdik, Olimpiya o‘yinlarining birinchi kunida biz millionta tekshiruv o‘tkazishga ulguramiz.

Biz 3922 ta taqiq o‘rnatdik, ya’ni bu odamlarning Olimpiya o‘yinlariga kirishini taqiqladik", — dedi Fransiya ichki ishlar vaziri Jerald Darmanin.

Bir necha oy davomida xavfsizlik bo‘yicha mutaxassislar Olimpiya va Paralimpiya o‘yinlari tashkiliy qo‘mitasi yoki o‘yinlar o‘tkaziladigan prefekturalardan kelgan yuz minglab akkreditasiya so‘rovlarini ko‘rib chiqishdi.

Tekshiruvlarning maqsadi xavfsizlikni ta’minlashdan iborat bo‘ladi.

Ta’kidlanishicha, taqiqlanganlar orasida 131 kishi davlat xavfsizligiga jiddiy xavf tug‘diruvchi shaxslar ro‘yxatiga kirgan, 18 nafari radikal islomchilar, 167 nafari chaplardan, 80 nafari o‘nglar hisoblanadi.