"Komo" Italiya A Seriyasidagi ilk mavsumiga tayyorgarlik ko‘rmoqda. Juma kuni klub muhim e’lon qildi - Sesk Fabregas endi rasman jamoa bosh murabbiyi.
De-fakto Fabregas avval "Komo"ni boshqargan bo‘lsa, de-yure ispaniyalik yosh mutaxassis murabbiy yordamchisi bo‘lgan. "Komo" o‘z press-relizida Fabregasning klub bilan shartnomasi to‘rt mavsumga, 2028 yilning o‘rtalariga qadar tuzilganini rasman e’lon qildi.
Eslatib o‘tamiz, "Komo" oxirgi marta A Seriyada 2002/2003 yilgi mavsumda o‘ynagan. Endi Sesk Fabregas shogirdlari elita darajasida o‘z nufuzini yo‘qotmaslikka harakat qiladi.
