UYEFA Ispaniya terma jamoasining bir qancha futbolchilari ustidan tergov boshlanganini ma’lum qildi.

Shunday qilib, tashkilot Rodri va Alvaro Morata tomonidan intizom qoidalarini buzilishini baholash uchun etika va intizom bo‘yicha inspektorni tayinladi. Voqea Yevropa chempionati kubogini ommaga taqdim etish chog‘ida sodir bo‘lgan. Jarayon boshlanishi haqidagi ma’lumotlar UYEFA saytida intizomiy qarorlar bo‘limida joylashtirilgan.

Eslatib o‘tamiz, kubok taqdimoti chog‘ida Rodri va Morata "Gibraltar – Ispaniya" degan iborani kuylagandi. Yevropa chempionati finalida Ispaniya terma jamoasi Niko Uilyams va Mikel Oyarsabalning gollari evaziga Angliyani 2:1 hisobida mag‘lub etdi.