"Chelsi" yarim himoyachisi Lesli Ugochukvu tajriba orttirish uchun ijaraga beriladi.
London grandi fransiyalik futbolchini o‘tgan yozda “Renn”dan sotib olgandi. Angliyadagi debyut mavsumi Ugochukvu uchun oson kechmadi: u kamdan-kam hollarda asosiy tarkibga kiritildi va doimiy jarohatlar bilan bog‘liq muammolar vaziyatni yanada og‘irlashtirdi. Endi "Chelsi" 20 yoshli futbolchini ijaraga berishni rejalashtirmoqda, deya xabar beradi insayder Fabrisio Romano. “Ko‘klar” rahbarlari yarim himoyachining muntazam o‘ynashini va rivojlanishda davom etishini istashmoqda.
Lesli Ugochukvuning narxi 25 million yevro - Transfermarkt ekspertlari uni shunday baholashmoqda. «Renn» tarbiyalanuvchisiga Angliya Premyer-ligasi va Germaniya Bundesligasining nomi oshkor etilmagan vakillari qiziqish bildirishmoqda.
