"Челси" ярим ҳимоячиси Лесли Угочукву тажриба орттириш учун ижарага берилади.

Лондон гранди франциялик футболчини ўтган ёзда “Ренн”дан сотиб олганди. Англиядаги дебют мавсуми Угочукву учун осон кечмади: у камдан-кам ҳолларда асосий таркибга киритилди ва доимий жароҳатлар билан боғлиқ муаммолар вазиятни янада оғирлаштирди. Энди "Челси" 20 ёшли футболчини ижарага беришни режалаштирмоқда, дея хабар беради инсайдер Фабрицио Романо. “Кўклар” раҳбарлари ярим ҳимоячининг мунтазам ўйнашини ва ривожланишда давом этишини исташмоқда.

Лесли Угочуквунинг нархи 25 миллион евро - Transfermarkt экспертлари уни шундай баҳолашмоқда. «Ренн» тарбияланувчисига Англия Премьер-лигаси ва Германия Бундеслигасининг номи ошкор этилмаган вакиллари қизиқиш билдиришмоқда.