"Fenerbaxche" bosh murabbiyi Joze Mourinyo "Manchester Siti" yarim himoyachisi Mateo Kovachichga qiziqish bildirmoqda. Bu haqda Fotomac xabar bermoqda.
Qayd etilishicha, portugaliyalik mutaxassis 30 yoshli Kovachichning o‘yiniga qoyil qoladi. Turk klubi xorvatiyalik futbolchi to‘p tepayotgan pozisiyani mustahkamlashi kerak.
O‘tgan mavsumda Kovachich “Manchester Siti” safida 46 ta o‘yinda maydonga tushib, 3 ta gol urdi va bitta golli uzatmani amalga oshirdi. Transfermarkt portali Xorvatiya terma jamoasi futbolchisini 30 million yevroga baholamoqda.
