Mashhur ukrainalik futbol sharhlovchisi va teleboshlovchisi Igor Siganik Ukraina terma jamoasi futbolchilari Yevro-2024dan chiqib ketganidan so‘ng o‘z noroziligini oshkora bildirdi.
"Belgiya bilan o‘yindan keyin qancha futbolchi terma jamoa lageriga qaytganini bilasizmi? Besh-oltitasi jamoa joylashgan mehmonxonaga qaytishdi.
Qolganlarning hammasi ta’tilga chiqdi. Ular loyiqmi... Buni tasavvur qila olasizmi?
Albatta, barchamiz Yevrodagi bu o‘yinlardan juda g‘azabdamiz. Hech kim bosh murabbiy va o‘yinchilarning aybini inkor eta olmaydi.
Biz nima uchun bu sodir bo‘lganini aniqlashga harakat qilishimiz kerak. Futbolchilar menga kim qayerda o‘ynayotganini aytib, futbolkalarini ko‘rsatishdi, biroq buning foydasi bo‘lmadi" - dedi Siganik.
