«Mirabror Usmonov kubogi» xotira turniri doirasida 3-tur bahslari yakuniga yetdi. Dastlabki bahsda Tojikiston Qirg‘izistonni 4:1 hisobida mag‘lub etdi.
Ikkinchi bahsda esa O‘zbekiston Gvatemalani 5:4 hisobida mag‘lub etdi. Mag‘lubiyatga qaramay Gvatemala finalga yo‘llanma oldi.
Shu tariqa, Tojikiston final yo‘llanmasini so‘nggi soniyalarda «qo‘ldan chiqardi» va 3-o‘rin uchun bahsda yana Qirg‘izistonga qarshi o‘ynaydi. O‘zbekiston esa finalda ham Gvatemala bilan parketga tushadi.
Mirabror Usmonov kubogi. 3-tur
O‘zbekiston – Gvatemala – 5:4
Gollar: Muzaffar Ahadjonov 3ʼ, Akbar Usmonov 9ʼ, 36ʼ, Abror Ahmetzyanov 18ʼ, Samariddin Berkinov 31ʼ — Jonni Dias 8ʼ, Jenner Paniagua 38ʼ, Abror Ahmetzyanov 39ʼ (a.g.), Marvin Sandoval 40ʼ
