"Manchester Siti" bosh murabbiyi Pep Gvardiola Fransiyaning "Trua" klubidan 20 yoshli vinger Savio transferi haqida gapirdi. Futbolchining “shaharliklar” bilan tuzilgan mehnat shartnomasi 2029 yilgacha mo‘ljallangan.
"Uning yakkama-yakka o‘yini hayratranarli! U ikkala qanotda, chap qanotda, o‘ng qanotda, hatto markazda ham o‘ynay oladi. Lekin u bizga eng avvalo qanotda kerak. "Jirona"ga rahmat aytishimiz kerak, ular ajoyib ish qilishdi", - deya Gvardiolaning so‘zlarini keltiradi jurnalist Fabrisio Romano.
O‘tgan mavsumda Savio "Jirona"da ijara asosida o‘ynadi. U barcha turnirlarda 41 ta uchrashuvda qatnashib, 11 ta gol va 10 ta golli uzatmani amalga oshirgan.
