"Манчестер Сити" бош мураббийи Пеп Гвардиола Франциянинг "Труа" клубидан 20 ёшли вингер Савио трансфери ҳақида гапирди. Футболчининг “шаҳарликлар” билан тузилган меҳнат шартномаси 2029 йилгача мўлжалланган.
"Унинг яккама-якка ўйини ҳайратранарли! У иккала қанотда, чап қанотда, ўнг қанотда, ҳатто марказда ҳам ўйнай олади. Лекин у бизга энг аввало қанотда керак. "Жирона"га раҳмат айтишимиз керак, улар ажойиб иш қилишди", - дея Гвардиоланинг сўзларини келтиради журналист Фабрицио Романо.
Ўтган мавсумда Савио "Жирона"да ижара асосида ўйнади. У барча турнирларда 41 та учрашувда қатнашиб, 11 та гол ва 10 та голли узатмани амалга оширган.
