Xalqaro olimpiya qo‘mitasi (XOQ) rahbari Tomas Bax pedofiliyada ayblangan niderlandiyalik voleybolchi Stiven van de Veldening 2024-yilgi Olimpiadadagi ishtirokiga izoh berdi.

“Bu Niderlandiya Milliy olimpiya qo‘mitasining ishi. Ular qaror qabul qilishadi. Bu masala bo‘yicha mening shaxsiy pozisiyam yo‘q.

Bu masalalarning barchasini sportchi vakili bo‘lgan mamlakat MOQ hal qilsin”, — dedi Xalqaro olimpiya qo‘mitasi rahbari matbuot anjumanida.

Eslatib o‘tamiz, 2014-yilda plyaj voleybolchisi van de Velde ijtimoiy tarmoqda Buyuk Britaniyalik 12 yoshli qiz bilan tanishgani haqida post joylagan edi. Bir necha kundan keyin sportchi qiz bilan uchrashish uchun Angliyaga keldi va bir muncha vaqt o‘tgach, ular o‘rtasida yaqin munosabatlar paydo bo‘ldi, voleybolchi esa, Britaniya OAVning xabarlariga ko‘ra, bolaning yoshi haqida bilardi.

Niderlandiyalik sportchi voyaga yetmagan qizni zo‘rlagani uchun to‘rt yillik qamoq jazosiga hukm qilingandi.

U qamoq jazosining bir qismini Angliyada o‘tagan va keyin Niderlandiyaga ko‘chirilgan, u yerda ozod qilingan va 2017 yilda sportga qaytgan.