Халқаро олимпия қўмитаси (ХОҚ) раҳбари Томас Бах педофилияда айбланган нидерландиялик волейболчи Стивен ван де Вельденинг 2024-йилги Олимпиададаги иштирокига изоҳ берди.
“Бу Нидерландия Миллий олимпия қўмитасининг иши. Улар қарор қабул қилишади. Бу масала бўйича менинг шахсий позициям йўқ.
Бу масалаларнинг барчасини спортчи вакили бўлган мамлакат МОҚ ҳал қилсин”, — деди Халқаро олимпия қўмитаси раҳбари матбуот анжуманида.
Эслатиб ўтамиз, 2014-йилда пляж волейболчиси ван де Вельде ижтимоий тармоқда Буюк Британиялик 12 ёшли қиз билан танишгани ҳақида пост жойлаган эди. Бир неча кундан кейин спортчи қиз билан учрашиш учун Англияга келди ва бир мунча вақт ўтгач, улар ўртасида яқин муносабатлар пайдо бўлди, волейболчи эса, Британия ОАВнинг хабарларига кўра, боланинг ёши ҳақида биларди.
Нидерландиялик спортчи вояга етмаган қизни зўрлагани учун тўрт йиллик қамоқ жазосига ҳукм қилинганди.
У қамоқ жазосининг бир қисмини Англияда ўтаган ва кейин Нидерландияга кўчирилган, у ерда озод қилинган ва 2017 йилда спортга қайтган.
