Argentina olimpiya terma jamoasi bosh murabbiyi Xavyer Maskerano futbol bo‘yicha Olimpiada turnirida Marokash termasi bilan o‘yinni sirkka qiyosladi.

TyC Sports nashri Maskeranoning so‘zlaridan iqtibos keltiradi: "Bu men hayotim davomida ko‘rgan eng katta sirk".

Uchrashuv Sent-Eten shahrida bo‘lib o‘tdi. Ikkinchi bo‘limga qo‘shib berilgan 16-daqiqada argentinaliklar Kristian Medinaning goli evaziga hisobni tenglashtirishdi (2:2), biroq uchrashuvning bosh hakami Glenn Nyuberg hushtagi chalib, VARni ko‘rishga ketdi. Bu vaqtda tribunalarda tartibsizliklar boshlandi; Polisiya vakillari maydonga yugurishlariga to‘g‘ri keldi. Har ikki jamoaning futbolchilari va a’zolari xavfsizlik nuqtai nazaridan kiyim almashtirish xonalariga jo‘natildi.

Deyarli ikki soat o‘tgach, hakam VARni ko‘rib chiqdi va Argentinaning ikkinchi goli vaqtida ofsayd qayd etdi. O‘yin 2:1 hisobida Marokash foydasiga davom etdi. Yakunda marokashliklar g‘alabani saqlab qolishdi.

Argentina va Marokash terma jamoalari Iroq va Ukraina terma jamoalari bilan bir qatorda "B" guruhida ishtirok etishadi. Futbol bo‘yicha Olimpiya o‘yinlari 24 iyuldan 10 avgustgacha Fransiyaning yetti shahrida bo‘lib o‘tadi.