“Andijon”ning “Paxtakor”ga qarshi uchrashuvidan keyin avndijonliklar bosh murabbiyi Aleksandr Xomyakov yakuniga yetgan yig‘in borasida quyidagicha fikr bildirdi.
- Aleksandr Andreevich, mana jamoaning yozgi yig‘ini ham yakunlandi. Hammasi siz o‘ylagandek kechdimi?
- Yig‘inimizdagi oxirgi o‘yinimizni o‘tkazdik. Reja bo‘yicha yig‘inni qay tariqa o‘tkazganimizni ikkinchi davra o‘yinlari ko‘rsatib beradi. Afsuski, seleksiya ishlarimiz ko‘ngildagidek kechmayapti. Yana ayrim pozisiyalarni ko‘chaytirishimiz kerak. Lekin hozircha buni iloji bo‘lmayapti. Hali biroz vaqt bor. Balki amalga oshib qolar, agar imkonini qilolmasak, shu holatda ham o‘z kuchimizga e’tibor qaratamiz.
- Sherzod Esanov Rossiyaning “Akron” klubiga transfer qilindi. Uning u yerdagi imkoniyatini qanday baholaysiz va futbolchining ketishi “Andijon” uchun jiddiy yo‘qotishmi?
- Bu o‘yinchining potensialidan kelib chiqib, yo‘qotdikmi-yo‘qmi, kelgusi o‘yinlarimiz ko‘rsatib beradi. Hozirdan taxmin bildira olmayman. Uning kelgusi faoliyatiga omad tilayman. Mening qarashimcha, asosiy tarkibni aniqlab olish oson bo‘lmayapti. Lekin men hozirgi yigitlarga ishonaman, ular ishonchni oqlashadi" - dedi Xomyakov.
