"Roma" "Yuventus" vingeri Matias Soule bilan shartnoma imzolamoqda va bugun "Jirona" hujumchisi Artyom Dovbik agentlari bilan to‘g‘ridan-to‘g‘ri aloqaga chiqadi, deya xabar beradi insayder Fabrisio Romano.
Rim jamoasi bosh murabbiyi Daniele de Rossi allaqachon 27 yoshli ukrainalik bilan telefon orqali muloqot qilgan.
Romano "Atletiko" va "Jirona" o‘rtasidagi Dovbikning transferi borasidagi kelishuv haqidagi ma’lumotni tasdiqladi, transfer summasi 40 million yevro. Ammo hujumchining madridliklar bilan shaxsiy shartnomasi shartlari haqida savollar paydo bo‘lmoqda.
O‘tgan mavsumda Dovbik 41 uchrashuvda 25 ta gol urdi va 10 ta golli uzatmani amalga oshirdi.