Fransiyalik atlet, yuguruvchi Sunkamba Silla 2024-yilgi Parij Olimpiadasining ochilish marosimiga hijob o‘ragani uchun kiritilmaganini aytdi. Bu haqda Associated Press xabar bermoqda.
“Mamlakatingiz mezbonlik qiladigan Olimpiya o‘yinlarida ishtirok etish huquqini qo‘lga kiritdingiz, lekin ro‘mol o‘raganingiz uchun ochilish marosimida ishtirok eta olmaysiz”, - deyilgan 26 yoshli sportchiga.
Silla Olimpiadada aralash 4x400 m estafeta bahslarida ishtirok etadi.
Fransiya olimpiya qo‘mitasi Silla bilan sportchilar uchun dunyoviy talablarga javob beradigan yechim topish ustida ishlayotganini aytdi.
Yaqinda bo‘lib o‘tgan Yengil atletika bo‘yicha Yevropa chempionatida Silla boshini to‘liq yopgan maxsus qalpoqchada qatnashgandi.
