Fransiyalik sportchi Sounkamba Silla Parijdagi (Fransiya) Olimpiada o‘yinlarining ochilish marosimida ishtirok etadi. Avvalroq unga hijobda tadbirga borish taqiqlangani haqida xabarlar tarqalgan edi.

Inson huquqlari himoyachilari guruhlari Fransiya hukumatini o‘z qarorini o‘zgartirishga chaqirib, bu musulmon sportchilarni kamsitish, chetlab qo‘yish ekani aytgan. Fransiya pozisiyasi BMT tomonidan ham tanqid qilindi.

The Guardian nashrining yozishicha, tashkilotchilar sportchiga hijobni kepkaga almashtirishga ruxsat bergan. Fransiya Olimpiya qo‘mitasi Silla ochilish marosimida kepka kiyishga rozi bo‘lganini aytdi.

“Siz o‘z mamlakatingizda bo‘lib o‘tadigan Olimpiada o‘yinlarida ishtirok etish imkoniga ega bo‘lsangiz-u, lekin ro‘mol o‘raganingiz uchun ochilish marosimida ishtirok eta olmaysiz”, deya Silla so‘zlarini keltiradi Le Parisien sportchining ijtimoiy tarmoqlariga tayanib.

Fransiya Olimpiya qo‘mitasi prezidenti Devid Lappartienning aytishicha, fransuz olimpiyachilari dunyoviy tamoyillarga bog‘langan.

“Bu dunyoning boshqa mamlakatlari uchun tushunarsiz bo‘lishi mumkin, ammo bu Fransiya DNKsining bir qismidir”.

Parijdagi Olimpiya o‘yinlarining ochilish marosimi bugun, 26 iyul kuni bo‘lib o‘tadi.