Myunxen (Germaniya) prokuraturasi 2024-yilgi Olimpiya o‘yinlari ishtirokchisi, 2015-yilgacha Germaniya termasi sharafini himoya qilgan ot sporti bo‘yicha Avstriya olimpiya terma jamoasi a’zosi Maks Kyunerga nisbatan ish ochgan. U hayvonlarga shafqatsiz munosabatda bo‘lganlikda ayblanmoqda.
Myunxenda tug‘ilgan 50 yoshli Kyuner Germaniyada otni boshqarishda taqiqlangan usulni qo‘llaganlikda gumon qilinmoqda, bu usulda hayvonni balandroq sakratish uchun oyoqlariga uriladi.
Jarayonga qaramay, Kyuner Parijdagi Olimpiya o‘yinlarida qatnashishi mumkin.
Avvalroq Xalqaro ot sporti federasiyasi Olimpiada chempioni britaniyalik chavandoz Sharlotta Dyujardenni hayvonlarga nisbatan shafqatsiz munosabatda bo‘lgani uchun olti oyga sportdan chetlatgan edi.
