Jan-Kler Todibo "Yuventus"ga o‘tishga yaqin turibdi.

Janluka Di Marsio yozganidek, Turin klubi kelishuvni imkon qadar tezroq yakunlashni kutmoqda. “Nissa” himoyachisi "Byankonerilar" himoyasini kuchaytirishga asosiy nomzod hisoblanadi.

Tomonlar o‘rtasida kelishuvga erishish uchun bugun telefon qo‘ng‘irog‘i o‘tkazilishi rejalashtirilgan.

"Yuventus" futbolchini 30-35 million yevroga sotib olish imkoniyati bilan ijaraga olmoqchi, bu esa ma’lum shartlar ostida majburiy holga kelishi mumkin.

Fransiyalik himoyachi allaqachon “Vest Xem” taklifini rad etgan. Uning ustuvorligi "Yuventus".