"Manchester Siti" bosh murabbiyi Pep Gvardiola klubdagi kelajagi haqidagi yana bir savolga javob berdi.
Mutaxassisning amaldagi shartnomasi 2025 yilning yozida yakuniga yetadi. Ispaniyalik mutaxassis shartnomasini uzaytirishi mumkinligini tasdiqladi, biroq u hozirgi lavozimini yana sakkiz yilga egallash niyatida emasligini ta’kidladi.
“Men “Manchester Siti”da sakkiz yil ishladim. Bu yerda uzoq qolish niyatim yo‘q, lekin bu men ketaman degani emas.
Bir klubda ko‘p vaqt - bu abadiylik. Ishonchim komilki, ketish yoki ishlashni davom ettirish haqidagi qarorim nafaqat men uchun, balki klub va futbolchilar uchun ham to‘g‘ri bo‘ladi.
Ketishga qaror qilganimda, aytaman, lekin hozir emas. Keling, nima bo‘lishini ko‘rib chiqaylik. Shartnomani uzaytirish imkoniyatini butunlay inkor etmayman. Men qolishni istardim", - deya Gvardiolaning so‘zlarini keltiradi City Xtra.
