“Manchester Siti” hujumchisi Erling Xoland Norvegiya terma jamoasi bilan jahon chempionati yoki Yevroda o‘ynashni orzu qiladi.
Yulduzli futbolchi o‘z terma jamoasining so‘nggi Yevropa chempionatiga yo‘llanma olishiga yordam bera olmadi. Saralash guruhida norvegiyaliklar Ispaniya va Shotlandiyadan keyin uchinchi o‘rinni egalladi.
“2022 yilgi jahon chempionatiga chiqa olmaganimizda o‘zimni juda yomon his qildim. Yana biz Yevro-2024ga bormaganimizda ham xuddi shunday bo‘ldi. Umid qilamanki, biz 2026 yilda jahon chempionatiga chiqa olamiz, agar yo‘q bo‘lsa, 2028 yoki 2030 yillarda o‘z maqsadimizga erishamiz. Umid qilamanki, bir kun kelib Norvegiya terma jamoasi bilan yirik turnirda maydonga tushaman”, - dedi Xoland.
