“Манчестер Сити” ҳужумчиси Эрлинг Холанд Норвегия терма жамоаси билан жаҳон чемпионати ёки Еврода ўйнашни орзу қилади.
Юлдузли футболчи ўз терма жамоасининг сўнгги Европа чемпионатига йўлланма олишига ёрдам бера олмади. Саралаш гуруҳида норвегияликлар Испания ва Шотландиядан кейин учинчи ўринни эгаллади.
“2022 йилги жаҳон чемпионатига чиқа олмаганимизда ўзимни жуда ёмон ҳис қилдим. Яна биз Евро-2024га бормаганимизда ҳам худди шундай бўлди. Умид қиламанки, биз 2026 йилда жаҳон чемпионатига чиқа оламиз, агар йўқ бўлса, 2028 ёки 2030 йилларда ўз мақсадимизга эришамиз. Умид қиламанки, бир кун келиб Норвегия терма жамоаси билан йирик турнирда майдонга тушаман”, - деди Холанд.
