"Manchester Siti" darvozaboni Ederson Moraes jamoa bosh murabbiyi Pep Gvardiolaning so‘zlaridan xursand bo‘lganini tan oldi.
Braziliyalik futbolchining Saudiya Arabistoniga ko‘chib o‘tishi mumkinligi haqidagi savolga javob berar ekan, ispaniyalik murabbiy Edersonni jamoaning asosiy o‘yinchilaridan biri deb bilishini, shuning uchun uni saqlab qolishga umid qilishini aytdi.
«Hozir aniq bir narsa aytish mumkin emas, lekin Pepdan bunday so‘zlarni eshitish yoqimli. U bilan sakkiz mavsum o‘tkazdim, yaxshi va yomon damlar bo‘ldi. Bu futbol dahosi bilan ishlash oson va u siz haqingizda shunday gaplarni aytgani juda yoqimli”, - dedi 30 yoshli braziliyalik darvozabon.
