"Манчестер Сити" дарвозабони Эдерсон Мораэс жамоа бош мураббийи Пеп Гвардиоланинг сўзларидан хурсанд бўлганини тан олди.
Бразилиялик футболчининг Саудия Арабистонига кўчиб ўтиши мумкинлиги ҳақидаги саволга жавоб берар экан, испаниялик мураббий Эдерсонни жамоанинг асосий ўйинчиларидан бири деб билишини, шунинг учун уни сақлаб қолишга умид қилишини айтди.
«Ҳозир аниқ бир нарса айтиш мумкин эмас, лекин Пепдан бундай сўзларни эшитиш ёқимли. У билан саккиз мавсум ўтказдим, яхши ва ёмон дамлар бўлди. Бу футбол даҳоси билан ишлаш осон ва у сиз ҳақингизда шундай гапларни айтгани жуда ёқимли”, - деди 30 ёшли бразилиялик дарвозабон.
