Argentinalik Martin Demichelis “River Pleyt” bosh murabbiyi lavozimini tark etdi. Klub matbuot xizmatining xabar berishicha, bunday qaror rahbariyat tomonidan qabul qilingan.

"River Pleyt" Demikelisga o‘zining ulkan professionalligi, fidoyiligi va bizning formamizga bo‘lgan hurmati hamda qo‘lga kiritgan uchta chempionligi uchun minnatdorchilik bildiradi. Biz unga va murabbiylar shtabi a’zolariga faoliyatining keyingi bosqichlarida muvaffaqiyatlar tilaymiz", - deyiladi "River Pleyt" bayonotida.

43 yoshli mutaxassis asosiy jamoa murabbiyi sifatidagi so‘nggi uchrashuvini 29 iyul kuni "Sarmyento Junin"ga qarshi o‘tkazadi.