"PSJ" yirik transferni amalga oshirishga yaqin turibdi. Parij klubi yangi futbolchi uchun deyarli 100 million yevro sarflaydi.
Fransiya chempioni yangi mavsum oldidan katta o‘zgarishlarni boshdan kechirmoqda. "PSJ" Kilian Mbappeni yo‘qotgan bo‘lsa-da, birinchi navbatda markaziy yarim himoyachi uchun katta pul tikadi.
Barcha ko‘rsatkichlar, anchadan beri e’lon qilingan "Benfika"dan Joau Neveshning transferi tez orada amalga oshishini ko‘rsatmoqda. Portugaliyalik futbolchi yangi klubi bilan 5 yillik shartnoma imzolaydi.
RMC Sport nashri xabar berishicha, 19 yoshli futbolchi yaqin kunlarda Parijda paydo bo‘ladi. Uning transferi tafsilotlari hali klublar o‘rtasida muhokama qilinmoqda.
Neveshni sotib olish "PSJ"ga qimmatga tushadi. Manbaning fikricha, kelishuv 100 million yevro atrofida bo‘lishi kerak. Avvalroq, asosiy to‘lov 70 million yevro bo‘lishi, bonuslar ko‘rinishida to‘lov qilinishi xabar qilingandi.
Yosh bo‘lishiga qaramay, Nevesh allaqachon tajribali futbolchi - u "Benfika" tarkibida 75 ta o‘yin o‘tkazgan. Shuningdek, u Portugaliya terma jamoasida 9ta o‘yin o‘tkazgan.
