INEOS kompaniyasi "Manchester Yunayted" boshqaruvini qo‘lga kiritgandan so‘ng qayta qurishni boshladi. Operasion xarajatlarni kamaytirish uchun "qizil iblislar" boshliqlari ba’zi xodimlarni ishdan bo‘shatishlari kerak edi. Himoyachi Jonni Evans bu borada fikr bildirdi.
"So‘nggi haftalarda ko‘p odamlar ishidan ayrildi, buni kuzatish qiyin edi. Yangi egalar bu yo‘nalishda harakat qilish zarurligini his qilishadi, lekin bu hamma uchun oson bo‘lmagan. Men bu yerda ba’zi odamlarni 20 yildan beri bilaman. "Manchester Yunayted"da klub madaniyatining bir qismi bo‘lgan katta shtat bor. Xotinim, akam, otam "Manchester Yunayted"da ishlagan», — dedi Evans jurnalistlarga.
