INEOS компанияси "Манчестер Юнайтед" бошқарувини қўлга киритгандан сўнг қайта қуришни бошлади. Операцион харажатларни камайтириш учун "қизил иблислар" бошлиқлари баъзи ходимларни ишдан бўшатишлари керак эди. Ҳимоячи Жонни Эванс бу борада фикр билдирди.
"Сўнгги ҳафталарда кўп одамлар ишидан айрилди, буни кузатиш қийин эди. Янги эгалар бу йўналишда ҳаракат қилиш зарурлигини ҳис қилишади, лекин бу ҳамма учун осон бўлмаган. Мен бу ерда баъзи одамларни 20 йилдан бери биламан. "Манчестер Юнайтед"да клуб маданиятининг бир қисми бўлган катта штат бор. Хотиним, акам, отам "Манчестер Юнайтед"да ишлаган», — деди Эванс журналистларга.
