"Tottenxem" hujumchisi Brayan Xil "Jirona" futbolchisiga aylanishi mumkin, deb xabar bermoqda Mundo Deportivo internet nashri.

Manbaga ko‘ra, futbolchi Chempionlar ligasiga ilk bor yo‘l olgan klubga o‘tishi mumkin. Ma’lum qilinishicha, bu bir yillik shartnoma bo‘lib, ehtimol futbolchini sotib olish imkoniyati ham mavjud.

London klubi ushbu transfer oynasi vaqtida futbolchilarni katta miqdorda sotishni rejalashtirayotgani haqida avvalroq xabar berilgan edi.

Xil 2021 yildan beri "Tottenxem"da o‘ynamoqda. Joriy mavsumda vinger “shporlar” safida barcha turnirlarda 12 ta o‘yinda maydonga tushdi. Futbolchining London klubi bilan shartnomasi 2026 yilning iyun oyi oxirigacha amal qiladi.