Basketbol bo‘yicha AQSH milliy terma jamoasi a’zolarining Olimpiya o‘yinlarida oltin medal qo‘lga kiritsa, qancha miqdorda mukofot puli olishlari ma’lum bo‘ldi.

Nufuzli Forbes jurnali ma’lumotlariga ko‘ra, har bir amerikalik sportchi Olimpiada oltin medali sovrindori bo‘lsa, 37,5 ming dollar oladi.

Bugun Olimpiada doirasida erkaklar o‘rtasida basketbol bo‘yicha musobaqa boshlandi. AQSH amaldagi Olimpiya chempioni hisoblanadi.

Tokioda bo‘lib o‘tgan o‘yinlarda amerikaliklar Fransiya terma jamoasini mag‘lub etishgan.