"Bavariya" sport direktori Kristof Froynd jamoaning "Dyuren"ga qarshi o‘rtoqlik uchrashuvidagi (1:1) o‘yiniga baho berdi.

“Biz unchalik yaxshi o‘ynamadik va jamoa charchaganini aytishingiz mumkin. Albatta, jamoamiz yaxshiroq o‘yin ko‘rsatishini va maydonda ko‘proq zavq olishini istaymiz. Bugun biz uchun oson bo‘lmadi, biz xohlagancha imkoniyatlar yarata olmadik. Terma jamoa futbolchilari tez orada qaytishadi, bu esa mashg‘ulotlar sifatiga ijobiy ta’sir qiladi", - deya Froynd so‘zlarini keltiradi Bayern & Germany.