Bilbaoning "Atletik" klubi vingeri Niko Uilyams yozda jamoani tark etmasligi mumkin.

Turli manbalardan olingan ko‘plab xabarlarga ko‘ra, 22 yoshli futbolchi "Barselona"ga o‘tishga yaqin turibdi va unga "PSJ" ham da’vogarlik qilmoqda. Uilyamsning "Atletik"da qolish ehtimoli ham katta. Sport xabariga ko‘ra, Niko akasi Inyakiga yana bir mavsumni basklar klubida o‘tkazishga va’da bergan. Aka-uka 2025 yilning may oyida "Atletik"ning uyida bo‘lib o‘tadigan Yevropa ligasi finalida o‘ynashni orzu qiladi.

Niko Uilyamsning amaldagi shartnomasi 2027 yilning yoziga qadar mo‘ljallangan. Ispaniyalik futbolchini sotib olmoqchi bo‘lganlar Yevropa chempioni shartnomasidagi tovon pulida ko‘rsatilganidek, transfer uchun kamida 58 million yevro to‘lashlari kerak.