Бильбаонинг "Атлетик" клуби вингери Нико Уильямс ёзда жамоани тарк этмаслиги мумкин.

Турли манбалардан олинган кўплаб хабарларга кўра, 22 ёшли футболчи "Барселона"га ўтишга яқин турибди ва унга "ПСЖ" ҳам даъвогарлик қилмоқда. Уильямснинг "Атлетик"да қолиш эҳтимоли ҳам катта. Sport хабарига кўра, Нико акаси Иньякига яна бир мавсумни басклар клубида ўтказишга ваъда берган. Ака-ука 2025 йилнинг май ойида "Атлетик"нинг уйида бўлиб ўтадиган Европа лигаси финалида ўйнашни орзу қилади.

Нико Уильямснинг амалдаги шартномаси 2027 йилнинг ёзига қадар мўлжалланган. Испаниялик футболчини сотиб олмоқчи бўлганлар Европа чемпиони шартномасидаги товон пулида кўрсатилганидек, трансфер учун камида 58 миллион евро тўлашлари керак.