"Neftchi" o‘rinbosarlar safida hujumkor o‘yinlari bilan jamoaning muvaffaqiyatlariga munosib hissa qo‘shib kelgan iqtidorli futbolchi Muhammadali Holmatov jamoani tark etdi. U bunday keyingi faoliyatini BAA Proligasida davom etiradi.
Joriy yilgi mavsumda "Neftchi"ning o‘rinbosarlar tarkibida jami 11 ta uchrashuvda maydonga tushgan Muhammadali 1 ta gol kiritdi va 2 ta golga assistentlik qildi.
"Jamoamiz va ko‘p sonli muxlislarimiz nomidan Muhammadali Holmatovga "Neftchi"da olib borgan faoliyati uchun samimiy minnatdorchilik bildirib, yangi jamoasida katta yutuq va marralarga yetishishida omad yor bo‘lishini tilab qolamiz" - deyiladi farg‘onaliklarning rasmiy bayonotida.
