Fransiyaning Parij shahrida yozgi Olimpiada bahslari bo‘lib o‘tmoqda. Qilichbozlik bo‘yicha musobaqada misrlik qilichboz yetti oylik homilasi bilan ishtirok etdi.

26 yoshli Nada Hafez Parijdagi qilichbozlik turnirida ishtirokini yakunladi. Bo‘lajak ona birinchi bahsda g‘alaba qozondi, ammo 1/8 final bosqichida mag‘lub bo‘ldi.

“Agar sizga maydonda ikkita odam bordek tuyilgan bo‘lsa, yo‘q, aslida uchta odam bor edi! Bu—men, raqibim va hali tug‘ilmagan chaqaloq!

Bola ham, men ham jismoniy va ruhiy jihatdan ko‘p qiyinchiliklarni boshdan kechirdik. Homiladorlikning o‘zi qiyin jarayon, ammo hayot va sport o‘rtasidagi muvozanatni saqlash unchalik qiyin emas. Bu shunga arziydi”, deb yozdi sportchi ijtimoiy tarmoqda.

Ma’lumot uchun, Hafez koreyalik Chung Xayunga 7:15 hisobida yutqazdi.