"Renn" yarim himoyachisi Dezire Due ushbu transfer oynasida qaysi klubga o‘tishni istayotgani haqida hali bir qarorga kelmagan. Eslatib o‘tamiz, yosh fransiyalik futbolchining xizmatlariga “PSJ” va “Bavariya” kabi klublar qiziqish bildirmoqda.
Jurnalist Florian Plettenbergning ta’kidlashicha, Dezire Olimpiada o‘yinlaridan so‘ng yakuniy qaror qabul qiladi. "PSJ" kelishuvni yakunlash ustida faol ishlamoqda, ammo "Bavariya" ham qiziqishda qolmoqda.
Transfermarkt 19 yoshli yarim himoyachini 30 million yevroga baholamoqda. Fransiya chempionatining so‘nggi mavsumida Dezire to‘rtta gol urdi va to‘rtta golli uzatmani amalga oshirdi.
