Hujumchi Viktor Osimxen bilan ishlovchi agent Roberto Kalenda futbolchining kelajagi haqida matbuotda turli mish-mishlar paydo bo‘lishiga izoh berdi.
"Men ba’zi "fantastik almashinuvlar" haqida o‘qidim ... Go‘yo Osimxen tezda yetkazib berilishi kerak bo‘lgan paketdir. Gap "Napoli"ning klub tarixidagi uchinchi skudettosini qo‘lga kiritishga yordam bergan to‘purari haqida ketmoqda. Buni hurmat qiling va soxta yangiliklar yozishni bas qiling”, — deya agentning so‘zlarini keltirgan jurnalist Fabrisio Romano ijtimoiy tarmoqlarda.
Oldinroq "Napoli" va "Chelsi" almashishi mumkinligi haqida ma’lumotlar bor edi: Viktor Osimxen Londonga, Romelu Lukaku esa Neapolga boradi.