Ҳужумчи Виктор Осимхен билан ишловчи агент Роберто Календа футболчининг келажаги ҳақида матбуотда турли миш-мишлар пайдо бўлишига изоҳ берди.

"Мен баъзи "фантастик алмашинувлар" ҳақида ўқидим ... Гўё Осимхен тезда етказиб берилиши керак бўлган пакетдир. Гап "Наполи"нинг клуб тарихидаги учинчи скудеттосини қўлга киритишга ёрдам берган тўпурари ҳақида кетмоқда. Буни ҳурмат қилинг ва сохта янгиликлар ёзишни бас қилинг”, — дея агентнинг сўзларини келтирган журналист Фабрицио Романо ижтимоий тармоқларда.

Олдинроқ "Наполи" ва "Челси" алмашиши мумкинлиги ҳақида маълумотлар бор эди: Виктор Осимхен Лондонга, Ромелу Лукаку эса Неаполга боради.