Мадриднинг «Реал» клуби ярим ҳимоячи Эдуардо Камавинганинг трансфери бўйича ўз шартларини маълум қилди. Бу ҳақда Defensa Central нашри хабар берди.

Манбанинг таъкидлашича, «қироллик клуби» раҳбарияти франциялик футболчини 70 миллион евро эвазига қўйиб юборишга тайёр. Айни пайтда Камавингага Франциянинг «ПСЖ» клуби ҳамда Англия Премьер-лигасининг бир қатор жамоалари томонидан жиддий қизиқиш билдирилмоқда.

Маълумот учун, Эдуардо Камавинга жорий мавсумда «Реал» сафида барча мусобақаларда 37 та учрашувда майдонга тушиб, ўз ҳисобига 2 та гол ва 1 та голли узатмани ёздириб қўйган. 21 ёшли футболчининг мадридликлар билан амалдаги шартномаси 2029 йилнинг ёзига қадар мўлжалланган.