Зинедин Зидан «Реал»да ишлаш борасида якуний қарор қабул қилди. Франциялик мутахассис Мадрид клубининг таклифини рад этди. Бу ҳақда El Mundo нашри хабар бермоқда.
Қайд этилишича, Зидан ўз келажаги бўйича устувор йўналишларни белгилаб олган. У яқин орада клуб футболига қайтиш ниятида эмас. Зинедин ЖЧ-2026 турниридан сўнг Франция терма жамоасида лавозимни эгаллашни режалаштирмоқда.
Аввалроқ ОАВда «Реал» бош мураббийлигига Юрген Клопп ва яна бир қатор мутахассислар номзоди кўриб чиқилаётгани ҳақида хабарлар тарқалган эди.













