«Manchester Siti»ning braziliyalik himoyachisi Yann Kouto faoliyatini Dortmundning «Borussiya»sida davom ettiradi. Bu haqda jurnalist Fabrisio Romano xabar bermoqda.

Manbaga ko‘ra, klublar 22 yoshli futbolchining transferi bo‘yicha og‘zaki kelishib olgan. Ta’kidlanishicha, Koutoni xarid qilish «Borussiya»ga bonus to‘lovlari bilan birga deyarli 30 million yevroga tushadi. Romanoning ta’kidlashicha, Kouto shu haftada tibbiy ko‘rikdan o‘tadi.

«Manchester Siti» himoyachini 2020 yilda olti million evro evaziga sotib olgandi. Biroq, to‘rt yil davomida Kouto hech qachon asosiy jamoada o‘ynamagan. Braziliyalik futbolchi uch mavsumni «Jirona»da ijara asosida o‘tkazdi va yana bir yil Portugaliyaning «Braga» klubida o‘ynadi.