«Манчестер Сити»нинг бразилиялик ҳимоячиси Янн Коуто фаолиятини Дортмунднинг «Боруссия»сида давом эттиради. Бу ҳақда журналист Фабрицио Романо хабар бермоқда.
Манбага кўра, клублар 22 ёшли футболчининг трансфери бўйича оғзаки келишиб олган. Таъкидланишича, Коутони харид қилиш «Боруссия»га бонус тўловлари билан бирга деярли 30 миллион еврога тушади. Романонинг таъкидлашича, Коуто шу ҳафтада тиббий кўрикдан ўтади.
«Манчестер Сити» ҳимоячини 2020 йилда олти миллион эвро эвазига сотиб олганди. Бироқ, тўрт йил давомида Коуто ҳеч қачон асосий жамоада ўйнамаган. Бразилиялик футболчи уч мавсумни «Жирона»да ижара асосида ўтказди ва яна бир йил Португалиянинг «Брага» клубида ўйнади.
