Toshkentning "Lokomotiv" klubining rossiyalik bosh murabbiyi, avvalroq Qirg‘iziston terma jamoasiga ustozlik qilgan Aleksandr Krestinin xalqaro turnirlardan chetlashtirilgach, Rossiya chempionati saviyasi tushib ketgani haqidagi gapga munosabat bildirdi. Uning fikricha, RPL darajasi o‘zgarmadi.
"Savolga javob berish uchun biz nafaqat mahalliy, balki xalqaro o‘yinlarni o‘tkazishimiz kerak. Har qanday statistika juda to‘g‘ri bo‘lmaydi. Hozir saviya pasayib ketdi demoqchi bo‘lsangiz, Chempionlar ligasi va Yevropadagi yetakchi klublarimizning so‘nggi ikki yilini olaylik - ular muvaffaqiyat qozonishdimi? "Zenit" qanchadan beri yuqori saviyali xorijlik futbolchilar bo‘lsa-da, guruhdan chiqa olmayapti" - dedi Krestinin.
